Thursday 28th of March 2024 Sahafi.jo | Ammanxchange.com

المواضيع الأكثر قراءة

 
  • آخر تحديث
    28-Nov-2018

ع المكشوف* رنا حداد
الدستور - 
 
    عن العنف
عن المرأة
والرف
بتذكر مرة صار موقف مو حلو بيني وبين زميل ،، دخلنا مكتب مديرنا وبلشنا نحكي بالموقف ،، الزميل «اللي قلبي بعرف انه ما بطيقني» حكى يومها بطريقة ناشفة انه بحترمني !! وما بكن الي الا كل خير !!،، وانه انا وحدة بخلص شغلي وبروح اطبخ لبناتي ،، الزميل يومها ابدا ما قصد المعنى المقدس للكلمات اللي تفوه فيها،، لانه حكاها بتهكم واضح ،، لكني اليوم بأكد كلامه انه انا وحدة معنية جدا أخلص شغلي بما يرضي ربنا ،، واروح اطبخ لبناتي ،،
هالتنمر اللي مارسه الزميل، بأكد انه المسخرة وتقزيم الاعمال باستخدام ادوات ولسان هي عنف ضد المرأة كمان.
في الاحتفال بأيام مناهضة العنف ضد المرأة رسالتي لكل بنت وست ،، اشتغلي، اثبتي حالك بس ما تغرك الدنيا كثير ، انت كمان،، في حياة احلى من شهرة مؤقتة وضوء كذاب اتخلى مقابله عن اساسيات وجودي . 
وبالمناسبة العظيمة كمان بحكي للستات والبنات ما تضيعي حياتك لتعطي صورة مثالية للناس عنك، لانه هذا عنف بحد ذاته تمارسيه على نفسك،
اعلمي أن زمن الضحايا انتهى، بس بإتيكيت ونضال مدروس وواع ، خذي نفسا عميقا، وجرعة ثقة بالنفس، واللي بحطك ع الرف اكسري الرف ع راسه وامشي،،